TGSRTC: గణేష్ నిమజ్జనానికి టీజీఎస్ ఆర్టీసీ నుండి బంపర్ ఆఫర్..600 ప్రత్యేక బస్సుల ప్రకటన!

గణేష్ నిమజ్జన ఉత్సవం ఈ నెల 17న జరగనున్న నేపథ్యంలో ఖైరతాబాద్ గణేష్ పై అందరి దృష్టి కేంద్రీకృతమవుతోంది. వేలాది మంది భక్తులు గణేష్ నిమజ్జనం కోసం నగరానికి చేరుకుంటుండటంతో రోడ్లపై ట్రాఫిక్ పెరగడంతో పాటు బస్సులు మరియు మెట్రో రైళ్లు కిక్కిరిసిపోతున్నాయి.

ఈ నేపధ్యంలో తెలంగాణ రాష్ట్ర రోడ్డు రవాణా సంస్థ (టీజీఎస్ ఆర్టీసీ) భక్తుల సౌకర్యార్థం 600 ప్రత్యేక బస్సులను ట్యాంక్‌బండ్ పరిసర ప్రాంతాల్లో నడపనుంది. గ్రేటర్ హైదరాబాద్ మునిసిపల్ కార్పొరేషన్ (జీహెచ్‌ఎంసీ) సహకారంతో ప్రతీ డిపో నుండి 15 నుంచి 30 వరకు ప్రత్యేక బస్సులు అందుబాటులో ఉంటాయి.

టీజీఎస్ ఆర్టీసీ భక్తులకు ఈ ప్రత్యేక బస్సులను ఉపయోగించుకోవాలని సూచిస్తోంది. అందుబాటులో ఉన్న బస్సుల మార్గాలు, సమయాలను స్థానిక డిపోల్లో లేదా ఆర్టీసీ వెబ్‌సైట్‌లో చూసుకోవచ్చు. ఈ చర్యలతో ఈ సంవత్సరం గణేష్ నిమజ్జన ఉత్సవం సజావుగా జరగాలని టీజీఎస్ ఆర్టీసీ లక్ష్యంగా పెట్టుకుంది.

Tags: Telugu News